Që kur ka marrë drejtimin e Postës Shqiptare, bie në sy se Ardit Demiri po firmos tenderë me vlerë 500 milionë lekë e lart, ku eliminon konkurrencën ndaj miqve të tij.
Demiri këtë herë këmbëngul që të zhvillojë tenderin mbi dy herë të anuluar. Bëhet fjalë për prokurimin me objekt “Rikonstruksion Zyra Postare qendër Tirana 5, Zyra Postare qendër Durrës”, për të cilin janë vënë në dispozicion 584 milionë lekë.
Sigurisht janë shumë para, kur bëhet fjala vetëm për suvatimin dhe lyerjen e dy zyrave postare. Gjithsesi, sikur e cekëm në fillim të artikullit, lindin dyshime pse Demiri kërkon ta zhvillojë medoemos këtë procedurë.
Në dokumentin e mësipëm duket se tender ka marrë “Flamurin e Kuq” për shkak se është anuluar më shumë se dy herë dhe për pasojë ka risk për korrupsion. Ky është vlerësimi i Open Data Albania. Anulimi gjithmonë vjen për disa arsye specifike, si mungesa e konkurrencës, kritere diskriminuese, mospërputhje në dokumentet standarde. Dhe cilado qoftë prej tyre, ato përbëjnë një risk të lartë për fondin.
Por Demiri nuk pyet, edhe pse tenderi është hapur e anuluar disa herë që nga nëntorit i vitit 2023.
Konkretisht sipas të dhënave ky tender ishte parashikuar që të mbahej në 4 dhjetor të vitit 2023. Por, kjo nuk është bërë e mundur për shkak se këtë herë prokurimi ka përfunduar në dosjet e Komisionit të Prokurimeve Publike.
Konkretisht, më datë 3 janar firma “Kevin Construksion” SHPK ka bërë denoncimin, ku pretendon se oferta e saj është skualifikuar pa të drejtë, madje ka renditur edhe pikat ku citon se është shkelu ligji. Sipas denoncimit, Komisioni i Vlerësimit të Ofertave e ka skualifikuar “Kevin Construksion” SHPK për shkak se nuk ka dorëzuar dëshmi ku të vërtetojë se ka në dispozicion fuqinë punëtore të kërkuar në kritere.
Por ankimuesi shpreh se ka dorëzuar dëshminë se dy teknikët e ndërtimit do të sigurohen nga kompania “ALBTIEFBAU” shpk, me të cilin ai bashkëpunon. Me sa duket oferta dhe dokumentacionet e tij nuk janë parë me vëmendje nga Demiri dhe stafi i tij, të cilët duken që e kanë me shumë nxitim të mbyllin sa më parë këtë tender.
Kështu, mbetet për t’u parë vendimi që do të marrë KPP, veç se duhet të shohë edhe arsyet që ky tender është anuluar disa herë më parë. Çka përbëjnë një rrezik të larta dhe lënë hapësira për abuzime.
Që kur ka marrë drejtimin e Postës Shqiptare, bie në sy se Ardit Demiri po firmos tenderë me vlerë 500 milionë lekë e lart, ku eliminon konkurrencën ndaj miqve të tij.
Demiri këtë herë këmbëngul që të zhvillojë tenderin mbi dy herë të anuluar. Bëhet fjalë për prokurimin me objekt “Rikonstruksion Zyra Postare qendër Tirana 5, Zyra Postare qendër Durrës”, për të cilin janë vënë në dispozicion 584 milionë lekë.
Sigurisht janë shumë para, kur bëhet fjala vetëm për suvatimin dhe lyerjen e dy zyrave postare. Gjithsesi, sikur e cekëm në fillim të artikullit, lindin dyshime pse Demiri kërkon ta zhvillojë medoemos këtë procedurë.
Në dokumentin e mësipëm duket se tender ka marrë “Flamurin e Kuq” për shkak se është anuluar më shumë se dy herë dhe për pasojë ka risk për korrupsion. Ky është vlerësimi i Open Data Albania. Anulimi gjithmonë vjen për disa arsye specifike, si mungesa e konkurrencës, kritere diskriminuese, mospërputhje në dokumentet standarde. Dhe cilado qoftë prej tyre, ato përbëjnë një risk të lartë për fondin.
Por Demiri nuk pyet, edhe pse tenderi është hapur e anuluar disa herë që nga nëntorit i vitit 2023.
Konkretisht sipas të dhënave ky tender ishte parashikuar që të mbahej në 4 dhjetor të vitit 2023. Por, kjo nuk është bërë e mundur për shkak se këtë herë prokurimi ka përfunduar në dosjet e Komisionit të Prokurimeve Publike.
Konkretisht, më datë 3 janar firma “Kevin Construksion” SHPK ka bërë denoncimin, ku pretendon se oferta e saj është skualifikuar pa të drejtë, madje ka renditur edhe pikat ku citon se është shkelu ligji. Sipas denoncimit, Komisioni i Vlerësimit të Ofertave e ka skualifikuar “Kevin Construksion” SHPK për shkak se nuk ka dorëzuar dëshmi ku të vërtetojë se ka në dispozicion fuqinë punëtore të kërkuar në kritere.
Por ankimuesi shpreh se ka dorëzuar dëshminë se dy teknikët e ndërtimit do të sigurohen nga kompania “ALBTIEFBAU” shpk, me të cilin ai bashkëpunon. Me sa duket oferta dhe dokumentacionet e tij nuk janë parë me vëmendje nga Demiri dhe stafi i tij, të cilët duken që e kanë me shumë nxitim të mbyllin sa më parë këtë tender.
Kështu, mbetet për t’u parë vendimi që do të marrë KPP, veç se duhet të shohë edhe arsyet që ky tender është anuluar disa herë më parë. Çka përbëjnë një rrezik të larta dhe lënë hapësira për abuzime.
