Të gjitha portalet online që nuk janë të regjistruara dhe nuk njihen nga bordi i monitorimit të mediave, nuk do lejohen të bëjnë fushatë elektorale.
Ky është një ndër propozimet e Partisë Socialiste dorëzuar në komisionin e reformës zgjedhore. Portalet anonime do të mbyllen nga shteti nëse bëjnë propagandë elektorale gjatë muajt të fushatës.
“Ndalohet përdorimi i portaleve elektronike të pakontrolluara nga Bordi i Monitorimit të Mediave për propagandë zgjedhore. Autoritet shtetërore marrin masa për mbylljen gjatë fushatës zgjedhore të portaleve elektorinike të paregjistruara të cilat përhapin propagandë zgjedhore, zhvillojnë sondazhe pa respektuar rregullat e këtij kodi, apo kalojnë kufirin e informimit dhe konsiderohen propagandë zgjedhore”, thuhet në nenin 10 të amendamentit.
Gjithashtu janë propozuar ndryshime edhe për posterat elektoralë, ku numri i posterave që çdo parti apo subjekt do të vendosi do të varet nga votat që ka marrë në zgjedhjet e kaluara dhe drejtuesi lokal do të caktojë 3 muaj para zgjedhjeve vendet ku do afishohenkëto postera elektoralë.
Posterat nuk duhet të jenë më të mëdhenj se 50 me 50 cm, ndërsa flamujt nuk duhet ët vendosen më larg se 10 metra nga zyrat e partive. Gjithashtu ndalohet prodhimi dhe shpërndarja e shkrepësve, çakmakëve , apo mjeteve të ngjashme ndezëse për propagandë elektorale.
