Reshjet e ditëve të fundit, kanë rritur ndjeshëm prurjet në hidrocentrale, duke detyruar drejtuesit e hidrocentraleve në Koman dhe Vau Dejës që të hapin portat.
Bëhet me dije se pranë këtyre dy hidrocentraleve është vendosur hapja e portave të hidrocentraleve dhe ka nisur shkarkimi.
Në Koman, është vendosur që të nisin shkarkimet të cilat kanë nisur që mbrëmë me 500 m3 ujë në sekondë ndërkohe që nuk dihet nëse këto shkarkime do të qëndrojnë gjatë, kjo edhe në varësi të prurjeve ne hidrocentral.
E njëjta situatë është regjistruar edhe në Hecin e Vaut të Dejës. Edhe pse në sasi më të vogël, në Vaun e Dejës, shkarkimet kanë nisur mëngjesin e së dielës me 500 m3 ujë në sekondë.
