Tensionohet situata në Shkodër, ku protestuesit janë futur brenda selisë së PS-së, ku kanë nisur të nxjerrin jashtë sende nga kjo godinë.
Pasi kanë thyer xhamet e kësaj godine, të rinjtë kanë nxjerrë nga dritarja kompjutera, karrige, apo dhe banderola të Partisë Socialiste. Pasi i kanë nxjerrë jashtë godinës këto sende, mes tyre dhe podiumin e PS-së, të rinjtë kanë nisur që të thyejnë çdo gjë me shufra hekuri dhe më pas i kanë vënë flakën.
Po ashtu ata kanë dëmtuar dhe dokumentacionet që ndodheshin brenda kësaj selie. Raportohet se policia nuk ndodhet në vendin ku janë përqëndruar protestuesit.
