Analisti e Enton Abilekaj deklaroi në studion e emisionit “Të Paekzpozuarit” se protestat që ka nisur Berisha për të realizuar zgjedhje të parakohshme pa Edi Ramën janë të pamjaftueshme.
Duke vijuar logjikën e tij, Abilekaj tha se nëse nuk ka një plan për të arritur qëllimin nëpërmjet mosbindjes civile atëherë parakalimi i shoqëruar me kapsolla është i kotë.
“Ajo që pamë të shtunën e marrë si protestë e vetmuar, mendoj se nuk është asgjë veçse një imitim i asaj që bënte Basha. Ajo që ndodhi sot, nuk është protestë e vetmuar, por do të vazhdojë si një aksion për mosbindje civile e destabilizimi politik. Qëllimi është të bëhen zgjedhjet e parakohshme. A është kjo e realizueshme, me këtë mjet? Këto protesta nuk janë të mjaftueshme. Dhe Basha bëri zinxhir protestash, i mbylli në korrik dhe në fund kishim 60 deputetë pa mandate dhe 60 bashki të PS . Nëse nuk ka një plan si nëpërmjet mosbindjes civile do të sjellin zgjedhjet pa Ramën, mendoj se gjithë kjo përpjekje për të bërë parakalime me kapsolla mendoj se është i kotë, më mirë të përqendrohet. Nëse do ishte fillimi i një rruge radikale politike do ishte gjë tjetër”, tha Abilekaj.
A do zgjedhë opozita një rrugë radikale?
“Opozita si formacion politik nuk mund të jetë radikale. Në momentin që bëhet radikale funksion si formacion parapolitik nëse do zgjedhej rrugën e mosbindjes civile nuk duhet të shkojë në Parlament”, u përgjigj.
