Banorët e fshatit Lumas në Kuçovë iu rikthyen protestave për ujin e Sinecit.
Burra, gra e fëmijë, shkuan edhe këtë të mërkurë tek burimi i ujit atje ku i prisnin me dhjetëra policë.
Banorët bllokuan punimet e kompanisë “Salillari” pasi nuk lanë makineritë të kalojnë.
Banorët ripërsëritën thirrjet se nuk do të lejojnë që uji i tyre të merret.
“Është i vetmi burim në zonë që mban gjatë të gjithë biodiversitetin e kësaj zone”, tha një prej tyre.
“Kemi tre vjet që ndeshemi me policë, firmën dhe bashkinë. Jemi shumë të indinjuar. Është një projekt korruptiv”, tha një tjetër.
Ata shprehen se punimet po bëhen në zonat e mbrojtura duke dëmtuar edhe natyrën.
“Nuk bëhet fjalë për vaditje, çështje ekonomike, por më e rëndësishmja është mjedisi.”
“Nuk jemi kundër zhvillimit por jo në këtë mënyrë. Asnjë nuk na dëgjon.”
Prej disa vitesh banorët e zonës së Lumasit kanë protestuar vazhdimisht, por këkesat e tyre në shumë raste janë refuzuar nga gjykata, ndërsa institucioent knë mbyllur sytë dhe veshët përballë kërkesave të tyre.
