Në orën 17:30 të pasdites së sotme do të mbahet protesta e thirrur nga opozita, ndërsa mbështetësit e saj, do të mblidhen në bulevardin “Dëshmorët e Kombit” para godinë së Kryeministrisë, atje ku është vendosur edhe podiumi nga ku do të mbahen fjalime.
Opozita është treguar e ngurtë përsa i takon publikimit të detajeve lidhur me protestën, por duket se gjithçka do të varet nga pjesëmarrja e qytetarëve.
Flamur Noka, Sekretar i Përgjithshëm në PD-në e drejtuar nga Sali Berisha, tha se përmes kësaj proteste opozita do t’i japë një mesazh Kryeministrit Edi Rama se bashkimi i opozitës do afrojë fundin e tij.
Nga studion e News24, Noka e konsideroi Ramën një turist shëtitës, që e ka pasur Shqipërinë tranzit.
“Sali Berisha drejton PD dhe është i pranishëm në çdo aspekt të jetës sonë politike. Drejton e koordinon çdo aksion politik të PD dhe opozitës. Me gjithë përpjekjet e regjimit për ta izoluar dhe eliminuar politikisht, dita e sotme është një mesazh për regjimin që kjo betejë është e humbur. Beteja për liri nuk fitohet me pranga.
Berisha do të jetë në shesh duke përdorur teknologjinë. Ai sfidon sot regjimin duke u thënë që ky regjim nuk ka mundësi të nënshtrojë demokratët. Sot ata janë bashkë dhe bashkimin e ka udhëhequr Berisha.
Rama në Turqi, fakt që vetëm kryeministër nuk ka qenë gjithë kësaj kohe. Ishte një turist shëtitës. Arsye edhe më e madhe për të rrëzuar McGonigalin shqiptar. E ka pasur Shqipërinë tranzit.
Thirrje policisë dhe gardës të respektojnë protestën si vullnet i popullit, të mos bëhen kamikazë të narkoregjimit”, tha ai.
The post Protesta, Noka: Ja mesazhi që do i japim Ramës appeared first on 27.
