Pavarësisht prezencës të mbi 200 forca policie, banorët e Astirit kanë vijuar normalisht protestën e tyre, ashtu si çdo mbrëmje.
Gjatë fjalës së tij, ish deputeti demokrat Klevis Balliu deklaroi se kryeministri Edi Rama kërkon gjakderdhje të qytetarëve me policinë.
“Këtu do jemi, këtu do jemi nesër, këtu do jemi pasnesër. A do ketë koha Policia e Shtetit të vijë këtu çdo ditë? Edi Rama tregoi se është asgjë më shumë e asgjë më pak se i biri i të atit, një komunist i ndyrë që do gjakderdhje. Bundestagu i kërkoi ndëshkimin e krimit të organizuar, ndërsa ky vjen ndëshkon qytetarët e Unazës. Edi Rama kërkon gjakderdhje të qytetarëve me policinë. Pse i ka sjellë policët me armë. Arma ose të vret ose të plagos. Kjo është gjakderdhje. Pse nuk i çon policët tek Valdrini e të tjerë. Nuk i çon sepse me ata ha bukë, fiton zgjedhje. Ha, pi, rri dhe fle me ata. Edi Rama është një kopje e të atit, komunist. Sot Rama ka ardhur këtu për të ndaluar protestën. Protesta është institucion, e drejtë themelore e njeriut në pluralizëmn. Rama ka ardhur këtu për të shembur pluralizmin. Bllokimi i protestës është kauzë kombëtare. Sot këtu duhet të flasin të gjithë si Rama, si pushtues ka ardhur këtu për të sulmuar banorët e Unazës së Re. Ky mafioz i lidhur me Avdylajt, me Bajrajt, në vend ti çojë këta tek Saje qorri, Kajmaku, Valdrimi, i sjell këtu të armatosur deri në dhëmbë. Një mesazh kam për Edi Ramën. Çdo gjë ka një limit. Nëse vazhdon dhunimi i qytetarëve përgjigja jonë do të jetë e qartë, e saktë, e shpejtë dhe e pamërishme ndaj bandave që sulmojnë dhe dhunojnë qytetarë”, u shpreh Balliu.
https://www.facebook.com/portali.syri.net/videos/253021782263380/
