Banorët e zonës së Astirit edhe gjatë ditës së sotme kanë vijuar protestën e tyre në ditën e 27. Në mbështetje të banorëve ishin edhe deputetet e LSI, Nora Malaj dhe Kejdi Mehmetaj. Gjatë prononcimit për mediat, Mehmetaj u shpreh se Edi Rama është simboli i shkatërrimit dhe i dhunës dhe asnjë banori nuk mund t’i mohohet e drejta për të pasur një shtëpi.
“Mos e lejoni më këtë njeri, mos kini më mëshirë për këtë njeri, mos kini më durim dhe as mëshirë për Edi Ramën që është kthyer tashmë në simbol të shkatërrimit dhe të dhunës, por ti bashkohen të gjithë qytetarët shqiptarë kësaj proteste, sepse protesta për banorët e Unazës së Re, është protestë për familjet tona, për shtëpitë tona dhe për të drejtat tona themelore”- tha Mehmetaj.
