Prokuroria kërkoi arrest me burg për 14 nga 19 të arrestuarit për aktet e dhunës në protestën e së shtunës. Ata akuzoheshin për shkatërrim prone dhe kundërshtim të policisë. Por, pas disa orësh diskutimesh, gjykata shpalli pasditen e kësaj të marte vendimin; duke pranuar pjesërisht kërkesën e prokurorëve.
Gjykata vendosi për 6 prej të arrestuarve masën e sigurisë “arrest me burg”, për 6 të tjerë masën e “detyrimit të paraqitjes”, ndërsa për 7 të tjerë “arrest shtëpiak”.
Florenc Hoxha u dënua me arrest me burg, sikurse edhe Resul Daci, Ilir Ramedani, Saimir Rexhepi, Agim Peposhi, Ferit Damoshi. Ndërkohë, Emanuel Nallbani, Naim Haxhiu, Andon Gjini, David Livadhi, Festim Taku, Velion Dine, Ndue Tuci u lanë në arrest shtëpiak, kurse Suzana Dimushi, Mitat Fieraku, Luftar Jakupi, Pëllumb Çela, Shpresa Alini, Hasan Jakupi me një masë më të lehtë, atë të detyrimit me paraqitje.
