Policia ka dalë me njoftim zyrtar për bilancin e protestës së djeshme të thirrur nga ish-kryeministri Sali Berisha në selinë e PD.
Policia njofton se janë arrestuar në flagrancë 34 shtetas, ndërsa janë proceduar penalisht 18 të tjerë, mes të cilëve edhe deputetët Flamur Noka dhe Gazment Bardhi.
“Në vijim të veprimeve u proceduan penalisht shtetasit:
G. B., për veprat penale “Shkelja e rregullave mbi lëndët plasëse dhe djegëse dhe radioaktive” dhe “Stërvitja për prodhimin dhe përdorimin e paligjshëm të armëve e lëndëve të tjera të rrezikshme”;
F. N., për veprat penale “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit të mjeteve të transportit”, njofton policia.
Gjatë protestës së djeshme u dëmtuan dritaret dhe dyert e selisë nga mbështetësit e Berishës në një përpjekje të dështuar për të nxjerrë Bashën nga zyra e kreut të PD. Nga ana tjetër, për shkak të tensioneve, Basha kërkoi ndërhyrjen e Policisë së Shtetit pasi u rrezikohej jeta atyre që ishin në godinë.
