Ambientalisti Sazan Guri është paralajmëruar nga ana e policisë së Tiranës, që të heqë dorë nga protesta e banorëve të Astirit, ndryshe do ta pësojë.
Guri tregon se në sy të gruas së tij, drejtori i policisë së Tiranës i ka dërguar fjalë që të mos përzihet më në protestën e banorëve të Astirit.
“U mendova gjithë natën, ta them a mos ta them?!?! Mbasi me thirrën dje pasdite në Komisariatin nr. 6 Kombinat, vonë nga ora 22, sapo dola me zonjën time nga Teatri me drame “XHELATI” , një Drejtues (vetë XHELATI) i Lartë i Policisë së Tiranës, më dërgon fjalë (në sy të gruas), me një mik shtëpie si lajmës. Që nëse shkon prapë te protesta e banorëve të UNAZËS do ta bëjmë 500 copa. Sigurisht, nuk jam pjesë e hallit të banorëve, por jam pjesë e së drejtës publike te ata sot, dhe të kushdo qoftë nesër, ndaj e bëra lajmin publik. SG”, shkruan Guri në rrjetet sociale.
