Ndërsa sot protesta e banorëve të zonës së “Astirit” numëroi ditën e 12 të saj, ka marrë edhe mbështetjen e Opozitës së Bashkuar në Këshillin Bashkiak të Tiranës.
Me anë të një reagimi pas mbledhjes së përbashkët, anëtarët e opozitës në Këshillin Bashkiak, shprehen se në shenjë proteste nuk do të marrin pjesë në mbledhjen e nesërme të Këshillit dhe do i bashkohen protestës së banorëve.
Vendimi i Opozitës së Bashkuar:
Ne mbledhjen e perbashket,Opozita e Bashkuar ne Keshillin Bashkiak Tirane,vendosi:
Si akt proteste ndaj sjelljes se paprecedente te kryetarit bashkise Tirane, fyerjeve raciste, sjelljes denigruese dhe percarese ndaj banoreve dhe qytetareve te Tiranes, te refuzoje pjesmarrjen ne mbledhjen e neserme te Keshillit Bashkiak Tirane, dhe ti bashkohet protestes se banoreve te Tiranes, ne mbeshtetje te kerkesave te tyre te ligjshme,te drejtes se jetes,baneses dhe dinjitetit njerezor.
Opozita zgjedh te jete ne krah qytetareve perballe kesaj klike te korruptuar e te shthurur,qe vetem ne saje te votave te blera nga mafia dhe grupet e trafiqeve te droges sundon vendin dhe Tiranen.
