Tre persona kanë rënë në prangat e policisë së Vlorës pasi akuzohen për vepra të ndryshme penale. Mësohet se policia ka bërë të arrestimin e K. Sh., 62 vjeç, banues në Vlorë, pasi Gjykata e Shkallës së Parë Vlorë, i ka caktuar masën “Arrest në burg“ për veprat penale “Mashtrimi më shumë se një herë”, “Falsifikimi i dokumenteve”, “Falsifikimi i vulave, stampave dhe formularëve” kryer në bashkëpunim më shumë se një herë.
Gjithashtu është arrestuar E. Xh., 40 vjeçe, banuese në Fier, pasi Gjykata e Shkallës së Parë Vlorë me vendimin e datës 05.07.2021, e ka dënuar me 4 muaj burgim për veprën penale ”Ushtrim prostitucioni”.
Specialistët për Hetimin e Krimeve në Komisariatin e Policisë Himarë gjithashtu bënë të mundur kapjen dhe ndalimin e A. Q., 49 vjeç, pasi më datë 13.06.2022, dyshohet se ka vjedhur një shumë parash në automjetin e shtetasit K. G.
