Alban Dyrmishi, ish-konkurrent i emisionit të dashurisë “Përputhen” ka rënë në pranga ditën e djeshme pasi ai kishte marrë një ambient me qira, në rrugën “Sami Frashëri”, të cilin e kishte përshtatur si qendër masazhesh ku kishte të punësuara vajza të reja.
Por përveç aktivitetit të regjistruar ligjërisht, ushtronin dhe aktivitetin e kundërligjshëm të prostitucionit. Në vijim të veprimeve u proceduan penalisht dy punëtoret, F. D., 19 vjeçe dhe E. T., 20 vjeçe, për veprën penale “Prostitucioni”.
Ditën e sotme Gjykata e Tiranës pasi dëgjoi kërkesat e palëve, ku prokurori kërkoi caktimin e masës se sigurimit “Arrest ne shtëpi”, vendosi të pranojë kërkesën e prokurorisë dhe vleftësimin e ligjshëm te ndalimit dhe caktimin e masës së sigurimit “Arrest në shtëpi”.
Në profilin e biznesit në Instagram, qendra e masazhit reklamonte fare qartë prostitucionin. Në postimet e fundit, shiheshin vajza që reklamonin trupin e tyre, duke bërë ftesa edhe për çifte, ndërsa të vetmit komentues ishin meshkujt.
