Ministri i Brendshëm akuzohej nga ish-oficeri i policisë për lidhje me trafikun e narkotikëve
Prokuroria e Fierit ka pushuar hetimet ndaj ministrit të Brendshëm, Saimir Tahiri, i cili u akuzua për lidhje me krimin nga ish-oficeri i policisë, Dritan Zagani. Ish-oficeri ka dalë disa herë në media dhe ka akuzuar ministrin e Brendshëm për lidhje me trafikun e narkotikëve. Por prokurroia e Fierit ka argumentuar të kundërtën e këtyre akuzave. Në një dokument prej 22 faqesh, prokuroria sqaron se deklaratat publike të Zaganit nuk qëndrojnë. Në vendimin e pushimit konstatohet se për këtë çështje është investuar edhe vetë “i hetuari”. Tahiri i ka kërkuar prokurorisë që të përgjojë disa numra telefoni të “bashkëpunëtorëve” të tij. Gjykata nuk e ka pranuar këtë kërkesë, ndërsa akuza sqaron në vendim se automjeti i famshëm “Audi”, është në pronësinë e Artan Habilajt.
