Menjëherë pas ceremonisë të zhvilluar në varrezat e fshatit Bularat në përkujtim të ekstremistit Konstantinos Kacifas, me datë 26.10.2019, Prokuroria pranë Gjykatës së Shkallës së Parë Gjirokastër procedon penalisht nënën e Katsifas.
Vasilia Kacifa u procedua penalisht pasi në varrezat e fshatit Bularat, gjatë cermonisë përkujtimore të 1 vjetorit të vdekjes së djalit, Kostandinos Kacifas, ka bërë thirrje që nxisin urrejtje ose grindje midis kombësive dhe fesë.
Këtë e ka bërë të ditur gazetari Artan Hoxha në profilin e tij në Facebook ku ka shpërndarë dhe pamjet të cilat po shqyrtohen nga prokuroria.
Postimi i Hoxhes:
Ndjekje penale për ata që lëshuan thirrje antishqiptare në Bularat..
Menjëherë pas ceremonisë të zhvilluar në varrezat e fshatit Bularat në përkujtim të Konstantinos Kacifas, me datë 26.10.2019, sektori i luftës kundër terrorizmit në Policinë e Shtetit i referoi materialet në Prokurorinë pranë Gjykatës së Shkallës së Parë Gjirokastër, për shtetasen Vasilia Mihal Kaçifa.
Vasilia Kacifa është nëna e personit që u vra pas një shkëmbimi zjarri prej 4 orësh për forcat speciale RENEA me 28 tetor 2018.
E lindur me 01.01.1952, banuese në fshatin Bularat, me arsim 12 klasë, me kombësi Greke, shtetësi Greke dhe Shqiptare, Vasilia Kacifa u procedua penalisht pasi në varrezat e fshatit Bularat, gjatë cermonisë përkujtimore të 1 vjetorit të vdekjes së djalit, Kostandinos Kacifas, ka bërë thirrje që nxisin urrejtje ose grindje midis kombësive dhe fesë. Ajo akuzohet se ka kryer vepren penale të parashikuar nga Neni 265 i Kodit Penal.
(Neni 265
Nxitja e urrejtjes ose grindjeve (Ndryshuar neni me ligjin 144/2013, datë 2.5.2013, neni 41)
Nxitja e urrejtjes dhe e grindjeve, për shkak të racës, etnisë, fesë ose orientimit seksual, si dhe përgatitja, përhapja ose ruajtja, me qëllim përhapjen e shkrimeve me përmbajtje të tilla, e kryer me çdo mjet ose formë, dënohet me burgim nga dy deri në dhjetë vjet.)
Sikur të mos mjaftohej me kaq, me datë 28 tetor 2019, gjatë ceremonisë zyrtare në përkujtim të festës kombetare të Greqisë, Vasilia Kacifa, sëbashku me vajzen e saj të ardhur nga Greqia dhe disa persona të tjerë kanë tentuar të shkaktojnë incidente në varrezën e ushtarëve grekë të rënë gjatë Luftës së Dytë Botërore, e cila ndodhet në hyrje të fshatit Bularat.
Ata kanë tentuar të hyjnë gjatë aktivitetit zyrtarë ku kishte përfaqësues të qeverisë greke dhe shqiptare, për të shfaqur banderola me imazhin e Konstantinos Kacifas dhe për të bërë thirrje luftënxitëse antishqiptare.
Për këtë shkak agjent civile të shërbimit të luftës kundër terrorit, kanë ndërhyrë duke penguar e moslejuar praninë e tyre në këtë ceremoni dhe duke u sekuestruar parrullat me thirrje antishqiptare.
Prokuroria e Gjirokastrës ka filluar procedimin penal edhe për personin nga Dervicani, ish-drejtues i degës lokale të OMONIA-s, pasi pengoi, kërcënoi dhe bëri thirrje antishqiptare ndaj gazetarëve të mediave shqiptare me datë 26 tetor në hyrje të varrezave civile të fshatit Bularat.
Më poshte janë pamje kur agjent civile të policisë shqiptare sekuestrojnë dhe u marrin nga duart parrullat me thirrje antishqiptare dhe me imazhin e Konstantinos Kacifas, në hyrje të fshatit Bularat, Vasilia Kacifas dhe personave të tjerë të ardhur nga Greqia që e shoqëronin….
https://www.facebook.com/352330821596120/videos/396875601267800/?t=1
