Pse coronavirusi vret me shumë meshkujt se femrat? Kësaj pyetje i përgjigjet Profesor E’them Ruka, i cili thot se kjo vjen për shkak se disa meshkujt preken më shumë nga hipertensioni dhe diabeti që janë edhe sëmudjet bashkëshoqëruese me rrisk më të lartë të infektuarit me Covid-19.
Ruka thotë se një tjetër element është edhe sistemi imunitar, i cili është më i fortë tek femrat se tek meshkujt.
“Pse coronavirusi vret me shumë meshkujt se femrat? Rreth 60% e të vdekurve në Itali nga koronavirusi janë meshkuj. Kjo shifër për Spanjën përllogaritet 59%, për Gjermaninë 58% dhe për New Yorkun 69%. Një prirje e tillë vihet re edhe në vende të tjera. Shumë kërkues janë munduar të japin një shpjegim për këtë sjellje të diferencuar të gjinive njerëzore ndaj të njejtit patogjen. Sipas disave meshkujt vdesin më shumë se preken më shumë nga hipertensioni e diabeti. Një shpjegim tjetër mbështetet në menyrën e funksionimit të sistemit imunitar. Disa proteina të sistemit imunitar të angazhuara kundër viruseve sillen në mënyrë të ndryshme në dy gjinitë. Ky ndryshim i detyrohet hormoneve dhe gjeneve të veçanta.
Sistemi imunitar i i lindur dhe i fituar i femrave konsiderohet më i fortë se ai i meshkujve. Një nga këto ndryshime qëndron në praninë e një proteine të vecantë që quhet receptori i tipit Roll (Roll7). Kjo proteinë njeh në mënyrë specifike një proteine të virusit duke e konsideruar atë të huaj për organizmin, e në këtë mënyrë fillon procesi i asnjanësimit të patogjenit. Gjeni që bart informacionin për receptorin e tipit Roll ndodhet në kromozomet seksuale X. Meqënëse femra ka dy kromozome X (XX), ndërsa mashkulli vetëm një të tillë (XY), lë të dyshosh se femra bart dyfishin e informacionit për sintezën e receptorit të llojit Toll. I gjithë ky informacion për receptorin Roll është vjelë nga Revista Science Immunology 2018”, shkruan Et’hem Ruka.
