Një ditë para përfundimit të afatit 100 ditorë të lënë nga kryeministri Edi Rama për të gjithë drejtuesit e policisë për ti dhënë kësaj strukture një tjetër fytyrë në mandatin e tretë të qeverisjes, Gledis Nano ka filluar takimet me drejtuesit në Tiranë dhe rrethe.
Mëngjesin e sotëm, Nano ka takuar për rreth dy orë drejtorin e Policisë së Tiranës, Rebani Jaupi, si edhe drejtues të sektorëve të ndryshme. Raportohet se në takim është diskutuar për goditjen e grupeve kriminale.
Rreth tre muaj më parë pas ngjarjeve të shumta kriminale në vend, Rama vuri një afat prej 100 ditësh për strukturat e policisë duke thënë se brenda këtij afati ata duhet të vendosnin rendin dhe angazhimin maksimal.
