Princit Harry ka rrëfyer se askush në Familjen Mbretërore nuk dëshiron të bëhet mbret ose mbretëreshë!
Në një intervistë për revistën amerikane, 32-vjeçar foli për rolin që ai dhe vëllai i tij po luajnë në atë që ai e konsideroi si “modernizim të monarkisë”.
“Nuk e bëjmë këtë për veten tonë por për të mirën e njerëzve. Nuk besoj se dikush në familje dëshiron të bëhet mbret ose mbretëreshë por ne do t’i kryejmë detyrat tona në kohën e duhur,” ka thënë Harry, duke mos harruar të falenderojë gjyshen e tij, Mbretëreshën Elizabeth, që i ka lejuar trashëgimtarët të jetojnë jetën sipas dëshirës së tyre.
Princi Harry gjithashtu ka folur edhe për momentet e vështira pas vdekjes së mamasë së tij, ku ka kritikuar vendimin që ai të merrte pjesë në ceremoninë mortore.
“Asnjë fëmije nuk duhet t’i kërkohet ta bëjë këtë, pavarësisht çdo rrethane,” është shprehur Princi, që gjithashtu pranoi se kishte marrë këshillime për të përballuar vdekjen e nënës së tij.
Komentet në intervistën e gjatë Harry-t përmbajnë gjithashtu tone kritikuese ndaj familjes së tij dhe një tjetër aspekt interesant është fakti se në asnjë moment, Princi nuk flet për babain e tij.
