Pasi u emërua një ditë më parë si drejtori i ri i AKU, Agim Ismaili ka marrë sot zyrtarisht detyrën e re. Ismaili zëvendësoi në këtë detyrë Dritan Sejkon, që e mbajti këtë post për 1 vit.
Në fjalën e tij të prezantimit, Agim Ismaili, duke falenderuar paraardhësin për punën e bërë në këtë institiucion deklaroi se, ishte koshient për pritshmëritë e konsumatorit dhe rëndësinë e AKU në garantimin e sigurisë ushqimore.
“Jam informuar për pritshmëritë që më presin, si dhe përqasjen që ka qeveria në lidhje me furizimin e këtij intitucioni. Me bashkëpunimin e ngushtë me ju, me të gjitha drejtoritë rajonale të AKU në rrethe, si dhe me institucionet tjera që kanë për detyrë të garantojnë zinxhirin ushqimor, mendoj se do t’ia dalim në përmbushjen e detyrave”, tha Ismaili.
Ismaili e mori detyrën në krye të Autoritetit Kombëtar të Ushqimit, ndërkohë që mbante postin e Nëndrejtorit i Drejtorisë së Parandalimit të Pastrimit të Parave, në Ministrinë e Ekonomisë.
