Zbardhen diskutimet brenda mbledhjes së grupit parlamentar të thirrur nga kryetari, Enkelejd Alibeaj ku po diskutohet nëse opozita do të dalë me një emër për Presidentin. Mësohet se Enkelejd Alibeaj, Jorida Tabaku dhe Gazment Bardhi janë shprehur kundër vazhdimit të negociatave pasi sipas tyre Partia Socialiste prishi marrëveshjen.
Diskutimi në grup:
Enkelejd Alibeaj: Sugjeroj që s’ka asnjë arsye të marrim pjesë. Ata thyen marrëveshjen
Gazmend Bardhi: Që në nisje të procedurës për zgjedhjen e Presidentit ky grup ka thënë publikisht që Edi Rama e ka paracaktuar Presidentin. Opozita duhet të hynte në proces për ti rrëzuar maskën e fasadës sikur donte President konsensual. Në respekt të zgjedhësve tanë ne nuk bojkotuam procesin, ofruam në mënyrë parimore rregullat e një procesi gjithëpërfshirës dhe konsensual, për ti ofruar shqiptarëve një President konsensual. Shumica ra dakord publikisht për propozimin e procedurës së propozuar nga ne. Vetëm pas nisjes së procesit dhe propozimeve me emra konktet të grupit, Edi Rama u tërhoq nga marrëveshja. Pas tërheqjes nga marrëveshja publike, unë mendoj që grupi ynë duhet ta konsiderojë të mbyllur këtë proces. Edi Rama prishi marrëveshjen me opozitën, sepse nuk do njs president për shqiptarët. Edi Rama u tërhoq nga marrëveshja, sepse e ka paracaktuar Presidentin. Prandaj unë mendoj që grupi duhet të dal me një deklaratë ku të sqarojë këtë pozicion dhe ne nuk duhet të vazhdojmë më me këtë pasi maska e fasadës së Edi Ramës ka rënë.
Jorida Tabaku: Duhet ti japim fund pjesëmarrjes tonë në procesin e zgjedhjes së Presidentit. Grupi diskutoi dhe mbajti një qëndrim dinjitoz. Ne u qëndrojmë parimeve. Rama tregoi që edhe këtë herë nuk ju qëndron marrëveshjeve.
