Presidenti francez, Emanuel Macron, ka propozuar sot riforcimin e Evropës për mbrojtjen dhe sigurinë për të krijuar një forcë të përbashkët për ndërhyrjen evropiane.
Gjithashtu Macron ka propozuar krijimin e një buxheti për mbrojtjen e përbashkët dhe një doktrinë gjithpërfshirëse për të reaguar ndaj situatave, që krijojnë probleme shqetësues.
Në fjalën e tij presidenti Macron kërkoi themelimin e një Akademie Evropiane të Inteligjencës , një Prokurori Evropiane kundër Terrorizmit dhe një forcë të përbashkët, pasi kontinenti i vjetër është shumë i dobët, me një lëvizje të ngadaltë në krijimin e qendrueshmërive.
“Evropa që ne njohim është shumë e dobët, shumë e ngadaltë, shumë inefikase, por vetëm Evropa mund të na japë një kapacitet për veprim në botë përballë sfidave tona”, ka përfunduar Presidenti I Francës, Emanuel Macron.
