Presidenti i Filipineve, Rodrigo Duterte, ka tronditur mbarë opinionin, teksa ka pranuar hapur se ka vrarë një person.
Gjatë një takimi në Vietnam, ku po merr pjesë në samitin rajonal, Duterte ka deklaruar se i ka marrë jetën një personi, kur ishte adoleshent.
Pas deklaratës së tij, ka reaguar menjëherë zëdhënësi i Presidentit, duke thënë se ishte thjesht një “shaka”. Duterte fitoi zgjedhjet presidenciale vitin e kaluar, pasi premtoi të çrrënjosë drogën dhe krimin në vend. Që nga marrjes së detyrës, policia raporton se ka vrarë 3967 njerëz.
Kritikët thonë se Presidenti po orkestron një fushatë të vrasjeve masive jashtëgjyqësore, të kryera me një polici të korruptuar.
