Kreu i Grupit Parlamentar të PS-së, Taulant Balla pas mbledhjes së Konferencës së Kryetarëve ka komentuar negociatat me opozitën për zgjedhjen e presidentit të ri. Balla u shpreh që pas djegies së raundit të dytë, në të tretin duhet të shkohet patjetër me një kandidat.
“Është një vendimmarrje se si ata do të qasen në këtë proces. Ka një propozim nga një pjesë e opozitës që të mbështesin një kandidaturë. Ka një propozim tjetër për të vazhduar negociatat ku ata të vijnë me emrat e tyre dhe ne të shohim mundësinë se kush do të jetë zonja dhe zotëria që përmbush kërkesat për shqiptarët dhe tonat. Ne jemi për të gjitha mënyrat e mundshme me përjashtimin e vetëm të formulës së propozuar nga Alibeaj që nuk është negociatë.
Orët, ditët në vijim do ë jenë intensive bisedash me kolegët e opozitës që në raundin e tretë të shkohet me një kandidat. Ajo që është gjëja më e qartë është që edhe në raundin e tretë nuk do të shkohet me një kandidat të propozuar nga maxhoranca”, tha Balla.
