“Përgënjeshtrojmë çdo lajm që citon burime nga presidenca. Për çdo zhvillim do të njoftojmë publikun me transparencë. Presidenti vijon kontaktet me palët”
Presidenca ka përgënjështruar lajmet, sipas të cilave po afrohen mundësitë për takimin Rama-Basha sonte pa pritur ditën e neserme. Përmes një njoftimi për mediat, presidenca sqaron se ende nuk ka asnjë vend e asnjë orar apo ditë të përcaktuar për këtë takim.
“Institucioni i Presidentit të Republikës përgënjeshtron të gjitha lajmet që përcillen si informacione me burim nga Presidenca për kohën dhe axhendën e takimit midis Kryeministrit dhe Liderit të Opozitës. Sqarojmë opinionin publik se nuk ka asnjë informacion të shpërndarë për median. Presidenti i Republikës vijon kontaktet dhe çdo vendim do t’i bëhet me dije opinionit publik zyrtarisht dhe me transparencë”, sqaron presidenca.
