Pra sipas Alibeajt, Balluku është ende me një peshë shumë të madhe në Qeveri, pavarësisht se nuk është më zv.kryeministre apo ministre.
“Në fakt lepuri fshihet te fakti siç unë e shoh, që përballë një kërkese të drejtpërdretë, test kritik për Qeverinë do të ishte jo shkarkimi, por heqja e imunitetit. Rama përsëri nuk i është përgjigjur kërkesës që qëndron ende në ajër, deri në 5 mars që do të diskutohet çështja në Parlament, nëse do i hapë rrugë drejtësisë apo jo, nëse do ja dorëzoi Ballukun drejtësisë apo jo.
Me këtë lëvizje, ka bërë këtë gjë sipas opinionit tim, ka bërë një gjysmë dorëzim të kontrolluar. Unë mendoj se tashmë me shkarkimin e Ballukut, me faktin që ishte e pezulluar pres vendimit të GJKKO-së, tashmë do mendojë ai që e ka më të thjeshtë për të mos i hequr imunitetin. Pra unë sot jam në pozicionin që Rama nuk do ia heqë imunitetin Ballukut.
Ne e dimë se Këshilli i Mandateve do të bëjnë atë se çfarë Rama do iu thotë. Kjo është një shkarkesë e vogël e presionit publik, të drejtësisë dhe ndërkombëtarëve. Në pallatin e PS flitej shpesh për një lloj konflikti mes Ballukut dhe Spiropalit. Po ashtu flitej se kishte një pëlqim nga faktori ndërkombëtar për Spiropalin. Mesa duket influenca e Ballukut paska qenë e fortë. Ka pasur në marrëveshje mes Ramës dhe Ballukut. Vijon të jetë interlokutori kryesor në këtë qeveri”, tha Alibeaj.
The post Prençi: Balluku ka ende tentakulat e saj në 2 ministri! Alibeaj: Spiropali u shkarkua pas përplasjeve me Belindën appeared first on 27.
