Premier League merr “dritën jeshile” nga qeveria angleze dhe përgatit rikthimin në fushë për të mbyllur sezonin. Menjëherë pas këtij vendimi, në fundjavë do të publikohet edhe protokolli i sigurisë, pas mbledhjes të programuar ditën e premte mes përfaqëuesëve të qeverisë, atyre të klubeve dhe autoriteteve sanitare.
Objektiv është rinisja e kampionatit më 9 qershor, pas tre javësh stërvitje. Në pritje të protokollit zyrtar, e sigurt është që sfidat do të luhen pa tifozë dhe në masa të rrepta sigurie dhe sanitare.
Pas “hapjes” së qeverisë për rinisjen e futbollit në Angli, skuadrat e Premier League, Arsenal, West Ham, Tottenham dhe Brighton janë kthyer në stërvitje edhe pse duke limituar numrin e lojtarëve në sesione të shkurtra personale. Pas dy muajsh pushim, skuadra tjetër që nga dita e sotme nis stërvitjen është i Jose Mourinho.
