Kandidati i PD në qarkun e Lezhës, Preç Zogaj, e cilëson të paprecedentë kërkesën e Topallit dhe Imamit për shkarkimin e kryedemokratit Basha në nisjen e fushatës elektorale.
I ftuar në emisionin “Debati në Channel One”, Zogaj thekson se nëse PD pëson disfatë në 25 qershor, Lulzim Basha jep dorëheqjen nga drejtimi i kësaj partie.
“Lista është basti i Lulzim Bashës dhe ai e ka menduar këtë gjë. Por nëse PD pëson disfatë dhe këtu ka parasysh humbje të rëndë, jo kalkulime të tjera, Basha do marrë përgjegjësi për rezultatin. Nuk është fare nevoja ti kujtosh dhe kërkosh dorëheqjen. Ai jep dorëheqjen si kryetar”, është shprehur Zogaj.
