Ditën e djeshme është hapur sesioni i vitit 2016 të pranverës së frankofonisë, e cila do të zhvillohet deri të mërkurën 23 mars. Pas një koktel për hapjen në Ministrinë e Punëve të Jashtme, me prezencën e ambasadorit francez Z. Bernard Fitoussi dhe të ambasadorëve të disa vendeve evropian, u zhvillua gjatë mbas dites në Kryeministri ekspozita “Vizatime të lira”, e cila u krijua nga Instituti Francez në bashkëpunim me gazetën javore “Courrier International, dhe ku, përmes shumë vizatimeve të shtypit, ajo ilustron mënyrën se si liria e shtypit ushtrohet në botën e ditëve të sotme.
Në ditët e ardhshme, një sërë eventesh do të zhvillohen si shfaqe filmash, ekspozita, konferenca, koncerte dhe pjesa teatrore. Ndër këto evente, do të jene finalja kombëtare e këngës franceze, ditën e djelë tek Akademia e Arteve të Tiranës, Formumi Ekonomik Frankofon tek Hotel Rogner, një takim dhe konferencë me autorin francez Eric-Emmanuel Schmitt për përkthimin në shqip të librit të tij, “Ulysse from Baghdad” edhe pjesa teatrale “Zoti Ibrahim dhe lulet e Kuranit” tek Teatri Eksperimental me 23 mars në orën 19.00.
