Partia Demokratike dhe Partia e Lirisë i kanë kërkuar sot kryetares së Kuvendit, Lindita Nikolla që debati për marrëveshjen e Portit të Durrësit që pritet të shoqërohet me debate të forta në Kuvend, të jetë pa kufizim.
18 deputetë të opozitës i kanë dorëzuar Kuvendit kërkesën për heqjen e kufizimit të të drejtës së deputetëve për të folur në maksimumin e kohës prej 10 minutash, për një nga çështjet më të rëndësishme të ditëve të fundit.
Në kërkesë thuhet se është i nevojshëm një debat të i plotë publik duke i mundësuar çdo deputeti të shprehet në lidhje me këtë çështje të një rëndësie kombëtare.
Deputetë i kërkojnë Kuvendit ndryshimin e rendit të ditës së seancës plenare:
- Të hiqet limiti kohor prej 6 orës në pikën 4 të Rendit të ditës,
2. Çdo deputeti t’i jepet e drejta të flasë 10 minuta në lidhje me këtë çështje, siç Rregullorja e Kuvendit përcakton.
