Prokurorët federalë belgë kanë kërkuar burgim të përjetshëm për Franc Çopjan, i dënuar të premten nga Gjykata e Krimeve të Rënda të Brukselit, si porositës i vrasjes së Ardit Spahiut dhe për drejtimin e një organizate kriminale.
Prokurorët kërkojnë gjithashtu dërgimin e tij për ekzekutimin e dënimit në gjykatën për zbatimin e dënimeve për një periudhë prej të paktën pesë vitesh, shkruan The Brussels Times.
Ata argumentuan se asnjë rrethanë lehtësuese nuk mund të njihej në mënyrë legjitime për Çopjan.
Gjatë fazës përfundimtare të gjyqit gjashtë-javor të mbajtur në ndërtesën Justitia, ata e përshkruan atë si “truri” pas sipërmarrjes kriminale që çoi në vrasjen më 27 nëntor 2020 në Molenbeek.
Duke përmendur karakteristika të tilla si “inteligjenca strategjike, natyra manipuluese dhe e rrezikshme, mungesa e plotë e ndjeshmërisë, kërcënimi ekstrem dhe një mentalitet pushtues dhe kriminal”, prokurorja Nathalie Franco dha një përshkrim për Çopjan.
Franc Çopja akuzohet si organizatori dhe porositësi i vrasjes së Ardit Spahiut, si dhe udhëheqës i një grupi të strukturuar kriminal. Sipas prokurorisë belge, ai ka kontrolluar trafikimin e drogës dhe pastrimin e parave.
Më 30 dhjetor 2023, ai u ekstradua nga Dubai në Belgjikë dhe prej atij momenti ndodhen në burgun e Haren. Që nga 3 shtatori 2024 ndaj tij ekziston një urdhër arresti ndërkombëtar i lëshuar nga autoritetet shqiptare.
gijotina.com/
