Policia e Bulqizës sqaron lajmin që qarkulloi në media për një konflikt të ndodhur midis dy persona, gjatë mbrëmjes së djeshme. Sipas bluve të Bulqizës, bëhet fjalë për një vetëplagosje jo për një sherr midis dy personave dhe se shtetasi I.L ka prerë aksidentalisht, me mjet prerës gishtat e tij. Mësohet gjithashtu, se ky shtetas ndodhej në masën “arrest shtëpie” për veprat penale “Kundërshtim me forcë i punonjësit të policisë”.
“Me datë 17.06.2022, rreth orës 23:00, në spitalin e Bulqizës, ka shkuar për të marrë ndihmë mjekësore shtetasi I. L., i cili ishte në masën ‘Arrest shtëpie’, për veprat penale “Kundërshtim me forcë i punonjësit të policisë”, “Drejtim i automjetit në mënyrë të parregullt”, dhe “Goditje per shkak të detyrës”.
Nga veprimet e kryera nga grupi hetimor për rastin në fjalë, shtetasi I. L., ka deklaruar se në banesën e tij, aksidentalisht ka dëmtuar me mjet prerës thikë, gishtin e dorës dhe në mungesë të mjekut kirurg në spitalin e Bulqizës, është dërguar për ndihmë në spitalin e Traumës, Tiranë.
Në përfundim të veprimeve të para hetimore në ngarkim të shtetasit I. L., 30 vjeç, janë referuar materialet procedurale pranë Prokurorisë Dibër për veprën penale “Largim i të burgosurit nga vendi i qëndrimit”.”-njofton policia.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
