Policia serbe ka plagosur sot rëndë një shqiptar nga Gërbaci i Komunës së Medvegjës.
34 vjeçari, Milazim Murati është plagosur rëndë në malin që ndan Kosovën dhe Serbinë, ku Milazimi ishte i punësuar si roje mali.
Nuk dihet nëse shqiptari ishte i punësuar nga institucionet e Kosovës, apo ato të Serbisë.
“Po, para dy-tre orëve, është plagosur rëndë Milazim Murati nga Gërbaci i Medvegjës. Sipas informatave që i kemi, ai është duke u transportuar nga spitali i Gjilanit drejt QKU-së në Prishtinë, pasi që ka marrë plagë teje të rënda”, ka theksuar Florim Sahiti, këshilltar nga rradhët e Partisë për Veprim Demokratik në Medvegjë.
Sahiti ka sqaruar se plagosja e Milazim Muratit ka ndodhur nga policia lokale dhe jo nga xhandarmeria.
Megjithate, ende nuk ka ndonjë njoftim nga Policia serbe, lidhur me rastin.
