Opozita do të zhvillojë pasditen e sotme një protestë në bulevardin “Dëshmorët e Kombit”, përballë Kryeministrisë. Prej ditës së djeshme, godina qeveritare është blinduar duke i veshur dyert me llamarina, një praktikë kjo e aplikuar nga momenti që Edi Rama ka marrë postin e Kryeministrit. Në terren janë të angazhuar mbi 1100 trupa policore, RENEA, FNSH, Garda dhe Repartet Shqiponja, ndërkohë që e gjithë zona do të monitorohet nga kamera me rezolucion të lartë.
Lidhur me protestën, Policia e Shtetit ka dhënë 4 orë leje, çka do të thotë se protestuesit mund të qëndrojnë nga ora 17:30 deri në 21:30. Dy orë përpara nisjes së protestës, Policia e Shtetit ka bllokuar kaset rrugore që kanë lidhje me Bulevardin “Dëshmorët e Kombit” dhe sheshin “Nënë Tereza”.
Në anën tjetër opozita duhet se po ruan deri në fund detajet e protestës, ndërsa ajo që vlerësohet si shumë e rëndësishme është pjesëmarrja e qytetarëve.
Deputetët e opozitës pritet të dalin nga selia e PD për të vijuar rrugën drejt Kryeministrisë, të shoqëruar nga mbështetës dhe simpatizantë, ndërsa degët e PD janë angazhuar për të mbledhur protestuesit në pika të caktuara për të marshuar më pas në bulevard dhe drejt Kryeministrisë.
Protestuesve pritet ti drejtohet me një mesazh përmes SKYPE edhe kreu demokrat, Sali Berisha, i cili ndodhet në arrest shtëpie prej 30 dhjetorit 2023, ndërsa gjithashtu janë parashikuar fjalime dhe mesazhe nga deputetët Flamur Noka dhe Gazment Bardhi, por edhe nga figura dhe emra të tjerë të opozitës.
Opozita do të zhvillojë pasditen e sotme një protestë në bulevardin “Dëshmorët e Kombit”, përballë Kryeministrisë. Prej ditës së djeshme, godina qeveritare është blinduar duke i veshur dyert me llamarina, një praktikë kjo e aplikuar nga momenti që Edi Rama ka marrë postin e Kryeministrit. Në terren janë të angazhuar mbi 1100 trupa policore, RENEA, FNSH, Garda dhe Repartet Shqiponja, ndërkohë që e gjithë zona do të monitorohet nga kamera me rezolucion të lartë.
Lidhur me protestën, Policia e Shtetit ka dhënë 4 orë leje, çka do të thotë se protestuesit mund të qëndrojnë nga ora 17:30 deri në 21:30. Dy orë përpara nisjes së protestës, Policia e Shtetit ka bllokuar kaset rrugore që kanë lidhje me Bulevardin “Dëshmorët e Kombit” dhe sheshin “Nënë Tereza”.
Në anën tjetër opozita duhet se po ruan deri në fund detajet e protestës, ndërsa ajo që vlerësohet si shumë e rëndësishme është pjesëmarrja e qytetarëve.
Deputetët e opozitës pritet të dalin nga selia e PD për të vijuar rrugën drejt Kryeministrisë, të shoqëruar nga mbështetës dhe simpatizantë, ndërsa degët e PD janë angazhuar për të mbledhur protestuesit në pika të caktuara për të marshuar më pas në bulevard dhe drejt Kryeministrisë.
Protestuesve pritet ti drejtohet me një mesazh përmes SKYPE edhe kreu demokrat, Sali Berisha, i cili ndodhet në arrest shtëpie prej 30 dhjetorit 2023, ndërsa gjithashtu janë parashikuar fjalime dhe mesazhe nga deputetët Flamur Noka dhe Gazment Bardhi, por edhe nga figura dhe emra të tjerë të opozitës.
