Policia holandeze në një publikim në Twitter ka bërë me dije se i vrari në qytetin Afferden me gjasë është shtetas polak. Policia nuk e përmend tregtarin e falimentuar shqiptar, Festim Lato.
Policia thotë se po vazhdon hetimet, ndërsa ende nuk ka konfirmuar asgjë.
Më herët media e mirënjohur holandeze ad.nl, raportoi se një person është gjetur i vdekur në qytetin Afferden, në rajonin Maas dhe Waal ndërmjet Nijmegenit dhe Venray në Holandë (fotoja e shkrimit).
https://www.ad.nl/binnenland/albanese-politicus-festin-lato-dood-gevonden-in-nederland~a06f2e11/
Sipas raportit mediatik i vrari nuk është konfirmuar si Festim Lato, por janë miqtë e tij që e kanë thënë këtë dhe mediat shqiptare.
Gjithmonë sipas ad.nl, policia ende nuk ka zbuluar identitetin e viktimës dhe thekson se familja ose të afërmit ende nuk janë njoftuar. Hetimi në skenën e krimit vazhdon. (Si shpjegohet që vëllai i Festim Latos pretendon se është njoftuar nga policia holandeze?)
Sipas ad.nl vitet e fundit, tregtari i naftës, Festim Lato ka qëndruar në një shtëpi të largët në Afferden, në rajonin Maas dhe Waal ndërmjet Nijmegenit dhe Venray. Ai kishte borxhe me kompani dhe individë privatë në zonën ku jetonte. Bëhet fjalë për miliona euro.
Në linkun e mëposhtëm gjeni pamjet e vendit, ku mendohet të jetë gjetur trupi i viktimës së paidentifikuar.
