Në deklaratën e sotme për mediat, teksa në Kuvend mbahej mbledhja e përbashkët Kosovë- Shqipëri, kryetari i Partisë Demokratike Sali Berisha foli ndër të tjera dhe për protestën e 6 dhjetorit. Duke përmendur faktin që policia nuk e lejoi një tubim të tillë pasi do të jetë dhe samiti BE- Ballkan Perëndimor, Berisha këmbënguli se protesta do të zhvillohet, pasi qytetarët janë pro-samitit por kundër qeverisë së Edi Ramës.
“6 dhjetori protesta më e madhe do mbahet para Kryeministrisë, bashkia të mos përzihet se s’ka forcë në botë që mund të pengojë. Ramës i intereson dhuna atë ditë por bën mirë që as dyert të mos i blindojë se do bëjë lajm botëror. Jemi në protestë pro samitit dhe kundër Ramës”, tha Berisha.
