Policia ka arrestuar një 37 vjeçar pasi dyshohet si autorë i plagosjes së një personi.
37 vjeçari dyshohet se ka goditur për motive të dobëta me sende të forta një 36 vjeç, banues në fshatin Gështenjas.
Materialet për ndjekje të mëtejshme, iu referuan Prokurorisë të Rrethit Gjyqësor Pogradec për veprën penale “Plagosja e rëndë me dashje”.
Njoftimi i plotë i policisë:
Pogradec
Specialistët e Seksionit për Krimet në Komisariatin e Policisë Pogradec, bënë kapjen dhe arrestimin e shtetasit :
Xhevahir Kajaçka, 37 vjeç, banues në fshatin Dunicë.
Arrestimi i tij u bë pasi, më datë 10.11.2017, në fshatin Gështenjas ky shtetas për motive të dobëta, ka goditur me sende të forta shtetasin N.P, 36 vjeç, banues në fshatin Gështenjas, i cili pas mjekimit të marrë në Spitalin e Pogradecit është transportuar në Tiranë për mjekim të specializuar.
Materialet për ndjekje të mëtejshme, iu referuan Prokurorisë të Rrethit Gjyqësor Pogradec për veprën penale : “Plagosja e rëndë me dashje” parashikuar nga neni 88 i Kodit Penal.
