Federata e Futbollit të Polonisë është afër vendimit për shkarkimin e trajnerit Fernando Santos.
Portugezi është në krye të kombëtares polake që pas Botërorit në Katar.
Fernando Santos u shkarkua nga posti i trajnerit në Portugali në dhjetor të vitit të kaluar.
Eliminimi nga Maroku në çerekfinale të Kupës së Botës u vlerësua si dështim i madh në Portugali.
Megjithatë trajneri kampion i Evropës me Portugalinë dhe fituesi i edicionit të parë të Ligës së Kombeve, gjeti shpejt punë.
Ai pranoi ftesën e Polonisë, skuadër e cila u eliminua në fazën e 16-tës në Katar.
Polonia e ka nisur keq ciklin kualifikues të Kampionatit Evropian.
Në tri ndeshjet e para, ajo fitoi vetëm tri pikë.
Santos mund të shkarkohet për shkak të humbjes tronditëse kundër Moldavisë më 20 qershor.
Polonia kishte epërsi 0-2, por në fund moldavët festuan me shifrat 3-2.
Në dy ndeshjet paraprake në Grupin F, Polonia humbi 3-1 nga Çekia, teksa mundi Shqipërinë 1-0.
Më 7 shtator, Polonia do të presë Ishujt Faroe.
Mediat polake shkruajnë se nëse Santos shkarkohet, vendin e tij do ta zërë Jiri Engel, i cili drejtoi Poloninë nga viti 2000 deri në vitin 2002.
The post Po zhgënjen jashtë mase, rivali i Shqipërisë gati të largojë trajnerin appeared first on 27.
