Anija turke “Oruç Reis” ka rifilluar kërkimet në jug të ishullit Kastelorizo dhe kjo ka bërë që ushtria turke të vendoset në alarm të plotë.
Media greke “Kathimerini” duke iu referuar autoriteteve greke raproton se ushtria e Greqisë po ndjek me vëmendje çdo lëvizje të anijes turke, e cila është e shoqëruar nga fregata dhe korveta ushtarake.
Aktualisht, sipas mediave greke, “Oruç Reis” dhe anijet që e shoqërojnë janë rreth 30 milje larg ishullit grek Kastelorizo dhe ka ulur shpejtësinë e lundrimit, ç’ka tregon se po bëjnë kërkime.
Sipas parashikimeve, anijet turke mund të futen në brendësi të 12 miljeve greke të premten ose të shtunën, gjë e cila nëse ndodh, do t’i vendoste greket përballë detyrimit për të përdorur armët, referuar asaj që kanë deklaruar deri më tani.
Sipas Greqisë ishulli Kastelorizo është Zonë Ekskluzive EKonomike e tyre, por autoritetet turke janë të bindur se largësia e ishullit nga Greqia rrëzon pretendimet greke.
