Në vazhdim të takimeve të tij nën moton ‘Po të dëgjoj’, kryetari I Partisë Demokratike Lulzim Basha është takuar ditën e sotme me disa të rinj, pjesë e Albania Business Partner.
Në këtë takim Basha ka inkurajuar të rinjtë të vazhdojnë me iniciativat bashkëkohore, pasi asgjë nuk mund t’i ndalë ata.
Kreu i PD theksoi se potenciali i të rinjve në Shqipëri të mbush me besim dhe të jep shpresë se Shqipëria e të nesërmes më të mirë nuk është larg.
Postimi i Lulzim Bashës:
“Kur talenti bashkohet me zhvillime dhe iniciativa bashkëkohore, asgjë nuk i ndal të rinjtë.
Takimi i sotëm në Albania Business Partner ishte shumë frymëzues! Potenciali i të rinjve tanë të mbush me besim e të jep shpresë se Shqipëria e të nesërmes më të mirë nuk është larg”.
#PotëDëgjoj
