Deputeti demokrat, Arbi Agalliu ka folur sërish për mediat pas daljes nga Kuvendi nga ku konfirmoi se grupi parlamentar i PD-së nuk ka marrë asnjë vendim zyrtar kundër Lulzim Bashës por i ka kërkuar atij dorëheqjen.
Gjatë një deklarate për mediat, Agalliu deklaroi se Bashës i është lënë kohë për të marrë vendimin, në rast se nuk jep dorëheqjen, atëherë grupi parlamentar i PD-së do të veprojë sipas rregullores.
“Iu thashë edhe më parë, grupi parlamentar nuk ka marrë asnjë vendim zyrtar. Grupi parlamentar ka kërkuar një hap pas të zotit Basha i cili më pas ka vendosur edhe dorëheqjen e tij. Ju thashë mos më ndërprit! Kemi bërë këto propozime personalisht unë kam kërkuar dorëheqjen dhe se kur e jep dorëheqjen Basha unë nuk e di se nuk është në dorën time. Grupi parlamentar i ka kërkuar Bashës që të marrë hapat në kohën e caktuar në raport me zhvillimet. Nuk ka asnjë ultimatum ndaj Bashës. Fillimisht do të presim. Nëse Basha nuk reagon në kohën e caktuar, ne do të marrim vendime dhe hapa të tjerë siç ka rregullorja”, tha Agalliu.
