Policia e Shkodrës ka identifikuar autorin e plagosjes së 28-vjeçarit Edis Reçaj mbrëmjen e djeshme, ku mësohet se i plagosuri dhe autori kanë qenë në të njëjtin mjet.
Uniformat blu nuk japin detaje për identitetin e personit të shpallur në kërkim, për shkak se hetimet janë në zhvillim e sipër. Ngjarja u regjistrua mbrëmjen e së martës në lagjen Perash të qytetit të Shkodrës.
Edis Reçaj mbërriti i plagosur mbrëmjen e djeshme në spitalin e Shkodrës, ndërkohë që kishte marrë një plumb në gjurin e djathtë. Deri tani mbetet mister motivi i plagosjes, sa kohë që autori dhe Reçaj kanë qenë së bashku në një automjet, çka tregon njohjen e mëparshme mes tyre.
