Një aksident i rëndë ka ndodhur mëngjesin e kësaj të hëne, në Janinë. Mësohet se gjatë aksidentit kanë humbur jetën dy shqiptarë. Bëhet fjalë për një familje me prindërit dhe dy fëmijët, ku prindërit, shoferi 58 vjeçar dhe bashkëshortja 50 vjeç humbën jetën.
Mediat greke raportojnë se aksidenti ndodhi rreth orës 7 të mëngjesit në Autostradën 5 pranë Janinës.
58-vjeçari ndaloi automjetin në autostradë për të kontrolluar makinën për një defekt teknik të motorit, ku doli nga makina i ndjekur nga e shoqja që qe ulur në sëndisjen mbrapa. Kor dolën nga makina, ata i lanë dyert e anës së majtë të makinës të hapura.
Në momentin që po kontrollonin makinën, kaloi një automjet që përplasi dyert e hapura, të cilat ranë mbi bashkëshortët duke i dëmtuar rëndë, deri në vdekje.
Ngjarja tragjike ndodhi në sy të fëmijëve, djalit 10 vjeç dhe vajzës 25 vjeçe.
Policia rrugore mbërriti menjëherë në vendngjarje duke e dërguar çiftin në spital, por ishte e pamundur që t’u shpëtohej jeta.
Sipas televizionit lokal të Janinës, bashkëshorti vdiq në vend, ndërsa e shoqja gjatë transportimit për në spital.
Sipas informacioneve të mediave greke, familja po udhëtonin për në Shqipëri, ku do të kalonin disa ditë pushime.
