Ndonëse sezoni veror ka filluar, plazhet e Shëngjinit, Divjakës dhe Durrësit nuk janë dezinfektuar. Plazhet janë mbushur me mushkonja dhe minj, ndërsa kjo gjë i shqetëson pamasë pushuesit.
“Thirrjet për urgjencë këto ditë në Durrës, nuk janë të zakonshme. Ambulancat nxitojnë të marrin të infektuarit nga pickimet e mushkonjave. Në qendrat shëndetësore verore rastet janë të shumta. Rastet kanë qenë tepër të shpeshta si me pickime nga peshqit ashtu edhe nga insektet.
Ka një grafik nga Bashkia e Durrësit që ndiqet rregullisht për dezinsektimin për mushkonja dhe për miza dhe për brejtës si minjtë. Për dezinfektimin e rërës bëhet në fund të Majit që është me program”, tha Alfred Dhuli, drejtori i Komunales Plazh për ABC News.
