Seanca në Kuvend për pak përfundoi në konfrontim fizik mes deputetit demokrat Ervin Salianji dhe deputetit socialist Erjon Braçe. Ishte Garda që bllokoi konfrontimin, ndërsa kryetarja e Kuvendit Nikolla ndërpreu seancën.
Salianji iu drejtua Erion Braçe nëse je ti “zv.kryeministri që ka dalë në përgjimet e dosjes së Rezart Taçit”.
Braçe pas tensionimit të situatës iu përgjigj menjëherë duke i quajtur shifje akuzat e Salianjit se ka folur me Rezart Taçin dhe emri i tij ka dalë në dosjen e përgjimeve italiane. Pasi sipas përgjimeve zv.kryeministri i ka marrë përsipër kalimin e parave.
Erion Braçe në fjalën e tij i hoqi akuzat ndaj vetes duke e qartësuar se në dokumentin që disponon ai mban datën 18 tetor 2021 dhe sipas Braçes në këtë datë ai nuk ka qenë zv.kryeministër por thjeshtë një deputet.
“Në dokumentin që zotëroj të plotë më 18 tetor 2021 nuk kam qenë zv/kryeministër”, u shpreh Braçe. Ky i fundit ia ka ‘hedhur topin’ Arben Ahmetajt që mban detyrën zv.kryeministër, pasi duke nisur nga data e dokumentit këtë detyrë e mbante dhe vazhdon ta mbajë Arben Ahmetaj.
