Një sherr me thika ka ndodhur në Itali mes një grupi të miturish. Sipas mediave italiane, ngjarja ndodhi në mbrëmjen e së shtunës në rrugën nacionale Appia pranë një qendre tregtare.
Një djalë nga Curti ishte aty me një grup të vogël bashkëmoshatarësh pranë një biznesi kur u thirr nga një bashkëmoshatar shqiptar me pretekstin për tu sqaruar.
Gjatë sqarimit shqiptari me banim në Santa Maria Capua Vetere, nxori një thikë nga xhepi i pantallonave, duke plagosur djalin në dorë dhe më pas u largua.
Sulmuesi u identifikua dhe u gjurmua nga karabinierët e kompanisë Santa Maria Capua Vetere dhe iu referua Gjykatës për të Mitur për lëndime personale.
