Kiara Tito dhe Olta Gixhari kanë debatuar sërish me njëra-tjetrën dhe këtë herë “molla e sherrit” është bërë një zarf i cili ishte lënë me porosi nga “Big Brother” për to.
Menjëherë sapo Kiara doli nga dhoma e rrëfimit, u përball me Oltën e cila po e priste me padurim dhe filluan të debatonin.
Kiara i bëri të ditur se zarfi iu dorëzua asaj mirëpo Olta kishte mendim totalisht ndryshe. Ajo nisi të tregonte se vajza brenda, duke nënkuptuar zërin që iu flet vazhdimisht nga produksioni, ia kishte dhënë asaj, por më pas i kërkoi Kiarës që të futeshin të dyja brenda për ta sqaruar. Mënyra e komunikimit nuk i pëlqeu Kiarës, saqë i kërkoi që të mos i jepte urdhra.
