Dy efektivët e policisë Flamur Lleja dhe Ilir Zekaj, të cilët kanë mbetur të plagosur mesditën e sotme në Mamurras janë dërguar në spital për të marrë ndihmën e parë mjekësore.
Dyshimet paraprake janë se një prej policëve është plagosur me armë zjarri në këmbë ndërsa tjetri është qëlluar me sende të forta. I plagosur ka mbetur edhe një qytetar i identifikuar si Nikoll Vorfi.
Drejt vendit të ngjarjes janë nisur drejtori i Përgjithshëm i Policisë së Shtetit Ardi Veliu bashkë me drejtorin e departamentit të Policisë Kriminale Tonin Vocaj.
Ndërkohë për sqarimin e rrethanave të ngjarjes në ndihmë të policisë së Mamurrasit kanë shkuar edhe grupet e Forcave të Ndërhyrjes së Shpejtë Shkodër dhe grupi hetimor nën drejtimin e Prokurorisë. Ende mister rrethanat.
