Ndërkohë që deputeti Bujar Çela po merr trajtim të specializuar në Spitalin e Traumës, pas plagosjes në shpërthimin e një kapanoni në Lushnje, pasditen e së Premtes, ende nuk është sqaruar se për cilën arsye gjendej në vend-ngjarje ligjvënësi socialist.
Policia, në variantin paraprak për ngjarjen, nuk e përmend se në pronësi të kujt ishte magazine në të cilën po bëheshin punime, dhe ku mbetën të vdekur vinçieri Roland Verçani dhe djali i tij, Elidoni, si edhe u plagosën 7 të tjerë, mes të cilëve Çela.
Raportimet lokale e lidhin Çelën me pronësinë e kapanonit, megjithëse nuk u tregua asnjë dokument deri më tani.
Ndërkohë që “Zëri i Amerikës”, në një raportim për ngjarjen, deklaroi ndër të tjera se “mes të plagosurve është dhe deputeti socialist Bujar Çela, në pronësi të të cilit, mendohet të ketë qenë dhe kapanoni ku ka ndodhur shpërthimi”.
“Boldnews.al” verifikoi të dhëna e dokumente zyrtare, të paktën ato që janë publike, në bazë të të cilave rezulton që as Bujar Çela dhe as familjarët e tij, nuk kanë në pronësi kapanon apo biznes në zonën ish-fabrikës së Plasmasit, në Lushnje.
Ekziston një lidhje e largët mes ligjvënësit Çela dhe zonës ku ka ndodhur shpërthimi, i cili besohet deri më tani se ka ardhur si shkak i kontaktit të vinçit me kabllot elektrikë të tensionit të lartë.
Në deklaratën e pasurisë “para fillimit të detyrës”, të plotësuar në vitin 2015, deputeti Bujar Çela deklaron të ardhura nga pozicioni i administratorit dhe pronarit të shoqërisë “ALSI” shpk.
Selia e parë e kompanisë ka qenë “Stan-Karbunarë”, në Lushnje. Prej vitit 2010, “ALSI” shpk ka të shënuar si adresë “Lagja 18 Tetori”, godinë 1-katëshe, pranë Rotondos, ish-fabrika e Plasmasit, Lushnje”, me objekt veprimtarie prodhim gëlqereje e punime ndërtimore.
Pra, adresa e shënuar përkon afërsisht me vendin ku ndodhi ngjarja e djeshme.
Shoqëria ishte krijuar në vitin 1997 dhe e ka pezulluar aktivitetin e saj në vitin 2012.
Gjithashtu, referuar deklaratës fillestare të pasurisë, Çela deklaron si asete të paluajtshme një godinë tre-katëshe në Lushnje, një apartament në Tiranë, një në Durrës, si edhe tri sipërfaqe tokë bujqësore, të cilat, sipas përcaktimit, i takojnë zonës rurale dhe jo zonën industriale, ku gjendej biznesi “ASLI” shpk.
Në Prill të vitit 2018, Bujar Çela vendos t’i dhurojë 100 përqind të aksioneve të shoqërisë “ASLI” shpk tek Erigert Gorovelli.
Sipas kontratës së dhurimit, ligjvënësi Çela heq dorë nga të gjitha të drejtat dhe kuotat që ka pasur deri në atë kohë mbi kompaninë “ASLI” shpk.
Pra ai pranon se nuk ka më asnjë të drejtë pronësore mbi çdo pasuri të luajtshme apo të paluajtshme të kompanisë.
Ndërkohë, shoqëria ‘Asli” shpk vijon të jetë ende me statusin “e pezulluar”.
“Boldnews.al” verifikoi të dhënat e pasurisë së deklaruar ndër vite nga deputeti Bujar Çela, përveç formularit të interesave private për vitin 2021, të cilat, për arsye të paqarta, nuk bëhen publike nga Inspektorati i Lartë i Deklarimit dhe Kontrollit të Pasurive dhe Konfliktit të Interesave (ILDKPKI).
Nga verifikimi i të dhënave në këto formularë, rezulton se asnjë prej familjarëve të afërt të ligjvënësit Çela, përfshirë bashkëshorten dhe dy djemtë madhorë, nuk kanë pasuri apo interesa financiare në zonën ku ndodhi shpërthimi tragjik të premten e kësaj jave.
Referuar këtyre të dhënave, vijon të mbetet e paqartë se përse është ndodhur deputeti Çela në vendin e shpërthimit.
Gjithësesi, opsionet mbi pronësinë mbeten të hapura. Ai ose familjarët e tij mund ta kenë blerë kapanonin e shpërthyer në vitin 2021 dhe e ka shënuar në ato deklarata që nuk bëhen publike nga ILDKPKI, ose e ka blerë gjatë vitit 2023, të cilën mund ta deklarojë deri në fund të marsit të këtij viti, kur përfundon afati i deklarimit.
Ose, në rast se nuk e ka në pronësi, ndoshta mund të ketë qenë rastësi prania e tij në zonën e shpërthimit ose ndonjë takim i mundshëm i tij me elektoratin, tashmë që Partia Socialiste deklaron se ka ndezur motorët elektoralë për zgjedhjet e ardhshme parlamentare, të parashikuara për në vitin 2025.
Gjithësesi, pikëpyetjet mbi pronësinë e magazinës dhe pozicionin e deputetit Bujar Çela në këtë histori mund të zbardhen gjatë hetimeve më të thelluara për shkaqet e incidentit tragjik, ku mbetën të vdekur dy persona dhe u plagosën shtatë të tjerë./Boldnews/
Ndërkohë që deputeti Bujar Çela po merr trajtim të specializuar në Spitalin e Traumës, pas plagosjes në shpërthimin e një kapanoni në Lushnje, pasditen e së Premtes, ende nuk është sqaruar se për cilën arsye gjendej në vend-ngjarje ligjvënësi socialist.
Policia, në variantin paraprak për ngjarjen, nuk e përmend se në pronësi të kujt ishte magazine në të cilën po bëheshin punime, dhe ku mbetën të vdekur vinçieri Roland Verçani dhe djali i tij, Elidoni, si edhe u plagosën 7 të tjerë, mes të cilëve Çela.
Raportimet lokale e lidhin Çelën me pronësinë e kapanonit, megjithëse nuk u tregua asnjë dokument deri më tani.
Ndërkohë që “Zëri i Amerikës”, në një raportim për ngjarjen, deklaroi ndër të tjera se “mes të plagosurve është dhe deputeti socialist Bujar Çela, në pronësi të të cilit, mendohet të ketë qenë dhe kapanoni ku ka ndodhur shpërthimi”.
“Boldnews.al” verifikoi të dhëna e dokumente zyrtare, të paktën ato që janë publike, në bazë të të cilave rezulton që as Bujar Çela dhe as familjarët e tij, nuk kanë në pronësi kapanon apo biznes në zonën ish-fabrikës së Plasmasit, në Lushnje.
Ekziston një lidhje e largët mes ligjvënësit Çela dhe zonës ku ka ndodhur shpërthimi, i cili besohet deri më tani se ka ardhur si shkak i kontaktit të vinçit me kabllot elektrikë të tensionit të lartë.
Në deklaratën e pasurisë “para fillimit të detyrës”, të plotësuar në vitin 2015, deputeti Bujar Çela deklaron të ardhura nga pozicioni i administratorit dhe pronarit të shoqërisë “ALSI” shpk.
Selia e parë e kompanisë ka qenë “Stan-Karbunarë”, në Lushnje. Prej vitit 2010, “ALSI” shpk ka të shënuar si adresë “Lagja 18 Tetori”, godinë 1-katëshe, pranë Rotondos, ish-fabrika e Plasmasit, Lushnje”, me objekt veprimtarie prodhim gëlqereje e punime ndërtimore.
Pra, adresa e shënuar përkon afërsisht me vendin ku ndodhi ngjarja e djeshme.
Shoqëria ishte krijuar në vitin 1997 dhe e ka pezulluar aktivitetin e saj në vitin 2012.
Gjithashtu, referuar deklaratës fillestare të pasurisë, Çela deklaron si asete të paluajtshme një godinë tre-katëshe në Lushnje, një apartament në Tiranë, një në Durrës, si edhe tri sipërfaqe tokë bujqësore, të cilat, sipas përcaktimit, i takojnë zonës rurale dhe jo zonën industriale, ku gjendej biznesi “ASLI” shpk.
Në Prill të vitit 2018, Bujar Çela vendos t’i dhurojë 100 përqind të aksioneve të shoqërisë “ASLI” shpk tek Erigert Gorovelli.
Sipas kontratës së dhurimit, ligjvënësi Çela heq dorë nga të gjitha të drejtat dhe kuotat që ka pasur deri në atë kohë mbi kompaninë “ASLI” shpk.
Pra ai pranon se nuk ka më asnjë të drejtë pronësore mbi çdo pasuri të luajtshme apo të paluajtshme të kompanisë.
Ndërkohë, shoqëria ‘Asli” shpk vijon të jetë ende me statusin “e pezulluar”.
“Boldnews.al” verifikoi të dhënat e pasurisë së deklaruar ndër vite nga deputeti Bujar Çela, përveç formularit të interesave private për vitin 2021, të cilat, për arsye të paqarta, nuk bëhen publike nga Inspektorati i Lartë i Deklarimit dhe Kontrollit të Pasurive dhe Konfliktit të Interesave (ILDKPKI).
Nga verifikimi i të dhënave në këto formularë, rezulton se asnjë prej familjarëve të afërt të ligjvënësit Çela, përfshirë bashkëshorten dhe dy djemtë madhorë, nuk kanë pasuri apo interesa financiare në zonën ku ndodhi shpërthimi tragjik të premten e kësaj jave.
Referuar këtyre të dhënave, vijon të mbetet e paqartë se përse është ndodhur deputeti Çela në vendin e shpërthimit.
Gjithësesi, opsionet mbi pronësinë mbeten të hapura. Ai ose familjarët e tij mund ta kenë blerë kapanonin e shpërthyer në vitin 2021 dhe e ka shënuar në ato deklarata që nuk bëhen publike nga ILDKPKI, ose e ka blerë gjatë vitit 2023, të cilën mund ta deklarojë deri në fund të marsit të këtij viti, kur përfundon afati i deklarimit.
Ose, në rast se nuk e ka në pronësi, ndoshta mund të ketë qenë rastësi prania e tij në zonën e shpërthimit ose ndonjë takim i mundshëm i tij me elektoratin, tashmë që Partia Socialiste deklaron se ka ndezur motorët elektoralë për zgjedhjet e ardhshme parlamentare, të parashikuara për në vitin 2025.
Gjithësesi, pikëpyetjet mbi pronësinë e magazinës dhe pozicionin e deputetit Bujar Çela në këtë histori mund të zbardhen gjatë hetimeve më të thelluara për shkaqet e incidentit tragjik, ku mbetën të vdekur dy persona dhe u plagosën shtatë të tjerë./Boldnews/
